Во пресрет на новогодишните празници, денес, претставници од Меѓународен Славјански Универзитет „Г. Р. Державин“ донираа вкупно 100 изданија од официјалната издавачка куќа на универзитетот (Издавачка куќа МЦСП) на ЈОУ Градската библиотека „Борка Талески“ во Прилеп.

Беа донирани различни наслови од повеќе научни области со цел истите да бидат поблиску до прилепската читателска публика. Вредната донација беше врачена од м-р Игор Михајловски – Раководител на МСУ, одделение Битола, а Директорот на библиотеката – Петар Петрески донацијата ја оквалификува како мошне значајна за читателската публика во Прилеп, отворајќи нови можности за институционална соработка.