На 18 октомври 2022 година делегација од Меѓународен Славјански Универзитет составена од претседателот на Управен одбор на МСУ, проф. д-р Јордан Ѓорчев, д-р Милена Спасовска од Факултетот за психологија при МСУ и Викторија Велкова од Канцеларијата го посети Регистан – срцето на стариот град Самарканд – каде се наоѓа и Улугбек Медреса (поранешна школа/универзитет во Самарканд изградена во периодот од 1417 до 1421 година).

Улугбек Медреса e најстарата градба во Регистан и таа била многу важен образовен центар во кој биле едуцирани најбрилијантните научници во тој период. Таа претставува еден од повеќето споменици изградени од Улугбек, тимуридски владетел, астроном и математичар. Улугбек Медреса била најголемата научно-образовна институција во Самарканд. Овде се одржувале предавања по филозофија, астрономија, математика…

Денес Регистан е центар на градот каде што се организираат важни настани и прослави на празници.