Претставници на Меѓународниот Славјански Универзитет одржаа прв онлајн состанок со претставници на Универзитетот во Крајова, Романија – Universitatea din Craiova.

Од страна на МСУ, на состанокот присуствуваа проф. д-р Јордан Ѓорчев, претседател на Управниот одбор при МСУ и Викторија Велкова, претставник на Канцеларијата за меѓународни односи при МСУ.

Од страна на Универзитетот во Крајова, на состанокот учествуваа вонр. проф. д-р Јон-Сорин Казаку, раководител на Одделот за меѓународни односи и Еразмус+ и Сузана Черчел, проектен асистент.

За време на состанокот се разговараше за воспоставување соработка меѓу двете високообразовни институции, како и за склучување Еразмус+ меѓуинституционален договор меѓу соодветните факултети.

Потпишувањето на договорот се очекува до крајот на август.

Дополнително, беше разгледана и можноста за склучување билатерален договор за соработка, кој се очекува да биде потпишан пред почетокот на новата академска година.

Со потпишувањето на договорите ќе се создадат услови за студентска размена во рамките на програмата Еразмус+, како и за развивање идни заеднички академски, научни и меѓународни активности меѓу МСУ и Универзитетот во Крајова.