Сефаџан Фидан, Бегум Гундуз и Озлем Сараџоглу од Универзитетот Окан, Република Турција, оваа недела престојуваат на Меѓународниот Славјански Универзитет во рамките на програмата Еразмус+ за мобилност на административен кадар.

Во текот на посетата, гостите ќе остварат работни средби со вработените од Канцеларијата за меѓународни односи на МСУ, при што ќе бидат разменети искуства, добри практики и идеи за понатамошно унапредување на меѓународната соработка и Еразмус+ активностите.

Преку ваквите мобилности се зајакнува меѓународната соработка, се унапредуваат професионалните компетенции на административниот кадар и се создаваат можности за развој на нови иницијативи и институционални партнерства.