Третиот ден од учеството на Меѓународен Славјански Универзитет на Cannes Lions 2026, беше исполнет со инспиративни предавања, технолошки иновации и средби со светски познати личности.

Претставникот на Меѓународен Славјански Универзитет, Михаела Ѓорчева, која активно ги проследи настаните и активностите, при посетата на Amazon Port, имаше можност да го проследи обраќањето на легендарниот американски кошаркар и бизнисмен Шекил О’Нил, кој зборуваше за лидерството, личниот бренд и моќта на автентичната комуникација.

Во Microsoft Gardens, Михаела Ѓорчева учествуваше во Xbox Experience, кадешто имаше можност да ги тестира најновите симулатори и интерактивни решенија, и воедно да се запознае со современите технолошки и забавни концепти што ги развива компанијата Microsoft.

Во рамки на посетата на Meta, беа тестирани најновите очила со вештачка интелигенција и вграден дисплеј-иновативна технологија којашто отвора нови можности за комуникација, образование и дигитална интеракција.

На сцената на The Female Quotient настапи светски познатата Опра Винфри, која во своето обраќање ја истакна важноста на лидерството, влијанието и автентичноста во современото општество. Во истата програма, Тина Ноулс зборуваше за градењето семејни брендови, наследството и создавањето вредности што траат многу подолго од еден бизнис.

На The Female Quotient Beach, актерката и претприемач Кики Палмер со својата непосредност и енергија уште еднаш покажа дека токму непланираните моменти честопати оставаат најсилен впечаток.

Третиот фестивалски ден заврши на Yahoo Beach со настапот на светски познатиот диџеј Тиесто, проследен со спектакуларно шоу со дронови над Кан, кое претставуваше впечатлив завршеток на уште еден ден исполнет со креативност, иновации и инспирација.

За Меѓународен Славјански Универзитет, присуството на Cannes Lions 2026 претставува уште една значајна можност за следење на најновите светски трендови во комуникациите, маркетингот, технологијата и креативните индустрии, како и за пренесување на стекнатите знаења и искуства во академската и професионалната средина.