Црна Гора: Меѓународен Славјански Универзитет учествуваше на еден од најзначајните настани во светот на менаџментот поддржан од Academy of Management – 8. Меѓународна конференција за менаџмент и организација (ICMO 2026).
Организирана од Црногорската академија за менаџмент (MAOM) и Економскиот факултет при Универзитетот на Црна Гора, со поддршка на Academy of Management, најголемата и највлијателна светска професионална асоцијација во областа на менаџментот, конференцијата претставуваше глобална платформа за размена на знаење, идеи и создавање нови академски партнерства.
Михаела Ѓорчева, заменик претседател на Управниот одбор на Меѓународен Славјански Универзитет и докторанд на Економскиот факултет при Универзитетот во Љубљана, го презентираше своето истражување на 8. Меѓународна конференција за менаџмент и организација (ICMO 2026), еден од најголемите меѓународни научни собири од оваа област досега одржани во Црна Гора.
Во рамките на конференцијата таа го презентираше своето научно истражување „Methodological Adaptations of Netnography Across Digital Platforms: An Integrative Review of Consumer Research“.
Презентацијата беше дел од сесијата „Research Methods, Open Science & Management Education“, со која претседаваше проф. д-р Х. Џенк Созен, претседател на Турската академија за менаџмент, што дополнително ја нагласува важноста и релевантноста на дискусиите во кои беше вклучено истражувањето.
Конференцијата, која се одржа од 3 до 6 јуни во хотел Маестрал во Будва под мотото „Sustainability by Design: Rethinking Strategy, People & Digital Futures“, обедини повеќе од 300 истражувачи, професори, бизнис лидери и институционални претставници од над 45 земји.
Како член на Academy of Management Михаела ќе го претставува Меѓународен Славјански Универзитет на годишниот настан кој ќе се одржи во Филаделфија, САД на крајот на јули 2026 година.