Меѓународен Славјански Универзитет продолжува да ја унапредува својата европска академска мисија преку Jean Monnet активности, создавајќи интегрирана платформа за учење, натпревар и академска размена во областа на човековите права, со посебен фокус на економските, социјалните и културните права.

Овој циклус на активности започнува на 20 јуни 2025 година со предавања кои се дизајнирани да понудат продлабочено разбирање на економските, социјалните и културните права и нивната примена во современиот европски контекст. Преку континуиран едукативен процес, учесниците ќе имаат можност да ги надградат своите знаења, аналитички пристап и критичко размислување.

Како динамичен сегмент од програмата, на 30 јуни 2025 година ќе се одржи квиз, кој ќе овозможи проверка и примена на стекнатите знаења во интерактивен и натпреварувачки формат, поттикнувајќи ангажман и дополнителна мотивација кај учесниците.

Конференцијата на 4 јули 2025 година ќе биде финалниот академски настан, каде професори ќе презентираат теми од областа на економските, социјалните и културните права.

Овие активности создаваат средина во која учесниците се профилираат како идни лидери, активно вклучени во развојот на европските вредности и стандарди, преку комбинација на теоретско знаење, практична примена и јавна презентација.

Се покануваат студентите на Меѓународен Славјански Универзитет, како и сите заинтересирани граѓани, да се пријават и да станат дел од оваа сеопфатна академска иницијатива. Учесниците имаат можност да аплицираат за предавањата, како и за учество на конференцијата.

Пријавувањето се врши преку онлајн формулар, а сите заинтересирани ќе добијат дополнителни информации по пријавата.

Проектот го реализираат проф. д-р Марија Гроздановска и проф. д-р Елизабета Спироска, а истиот е поддржан од Erasmus+ програмата на Европската Унија.

Меѓународниот Славјански Универзитет продолжува да создава можности за активно учество, едукација и развој, поттикнувајќи ги младите и заедницата кон поголема информираност и ангажираност во областа на човековите права.

Апликацијата е затворена.