Михаела Ѓорчева, заменик претседател на управниот одбор на Меѓународен Славјански Универзитет, учествуваше на годинешниот Forbes CMO Summit Europe 2025 што се одржа во Лондон – глобална платформа која ги обединува највлијателните директори за маркетинг од водечките светски компании.

Настанот, организиран и модериран од Forbes, важи за една од најреномираните конференции за маркетинг-лидери, со учесници од компании како Meta, Electrolux, Unilever, Klarna и Diageo. Под темата “What Matters Most”, самитот се фокусираше на иднината на брендовите во време на брзи технолошки и општествени промени.

Во рамки на програмата, Михаела Ѓорчева го претстави Меѓународен Славјански Универзитет на две тркалезни маси посветени на улогата на вештачката интелигенција во современиот маркетинг и на новите трендови и стратегии за градење бренд во динамична медиумска средина.

Учеството на Меѓународен Славјански Универзитет на настани од ваков ранг претставува дел од нашата стратешка посветеност кон интернационализација, следење на глобалните трендови и директна размена на искуства со водечките експерти од индустријата.