Со огромно задоволство ви го претставуваме најновиот проект на Здружението на студенти на Меѓународен Славјански Универзитет – студентскиот поткаст „На студентско кафе со…“. Ова е поткаст создаден од студентите, за студентите, каде што ќе имате можност да ги слушнете интервјуата со професорите и останатиот кадар од универзитетот, како и со претставници од други релевантни институции за студентите.

Прв гостин во поткастот беше проф. д-р Самоил Малчески од Факултетот за економија и организација на претприемништво при Меѓународен Славјански Универзитет. Поткастот го води Софија Радончиќ, претседател на Здружението на студенти на МСУ.

Поткастот се снима во просториите на Здружението на студенти на МСУ и секоја сабота ќе можете да проследите нова епизода. Ова е одлична можност да ги дознаете сите интересни детали за вашите професори, нивните кариери, истражувачки проекти и искуства. Поткастот исто така нуди платформа за отворени дискусии на различни теми кои се од интерес за студентите.

Како да се вклучите?

Бидете дел од овој наш проект и придружете ни се секоја сабота за нова епизода од поткастот „На студентско кафе со…“.

Ве покануваме да предложите тема и професор со кој би сакале да разговараме. Вашите идеи се секогаш добредојдени и ќе ни помогнат да го направиме поткастот уште поинтересен и порелевантен за вас. Вашите коментари и предлози може да ги испраќате преку формата дадена подолу.

Следете не и останете во тек со најновите епизоди!

Име и презиме: (задолжително)

Електронска адреса:(задолжително)

Ве молиме внесете го Вашиот предлог овде:(задолжително)

Се согласувам моите податоци да бидат обработени за да добијам повратен одговор од МСУ, како и информации за идни активности на универзитетот.(задолжително)

Се согласувам.

Ве молиме внесете ги карактерите:(задолжително)

Испратете го прашањето

This field should be left blank