Во Mayberry Highway во Свети Николе започна краткотрајниот интензивен курс “Global Perspectives on Inclusive Education: Strategies for Building Diverse and Equitable Learning Environments” кој се одржува во рамки на Еразмус+ програмата.

Програмата ја отвори проф. д-р Јордан Ѓорчев, претседател на Управен Одбор на Меѓународен Славјански Универзитет. Организатор и домаќин на курсот е Меѓународен Славјански Универзитет, а партнери во проектот се Универзитетот Аксарај од Турција, Великотрновскиот универзитет „Св. св. Кирил и Методиј“ од Велико Трново, Бугарија и Високата школа за безбедност и економика (ВУСИ) од Пловдив, Бугарија. Краткотрајниот интензивен курс е наменет за вработени во високообразовните институции и се одржува со физичко присуство во Свети Николе и Претор, но вклучена е и задолжителна виртуелна компонента.

На првиот ден од програмата предавачи беа проф. д-р Ѓорѓина Ќимова и проф. д-р Горица Поповска Налевска од Факултетот за психологија при Меѓународен Славјански Универзитет.