Институтот за култура и уметност при Меѓународен Славјански Универзитет „Гаврило Романович Державин“ Свети Николе, Република Северна Македонија распишa ликовен конкурс „Перото – Инспирација за уметничката четка“ на 11 јуни, кој траеше до 30 септември оваа година. Проектот е поддржан од Министерството за култура како проект од национален интерес за 2021 година.

Нашата интенција беше да ги мотивираме и инспирираме сите од различни културни пејзажи, различни родови, различни возрасни групи да се поврзат токму преку читањето на книгата и да создадат уметнички дела без оглед на нивната надареност за уметничко изразување со четка. Преку делата сакавме да ги потсетиме сите дека книгата е сон кој го држите во рацете и на тој начин преку вашата имагинација, умешност за визуелизација да ги замислите ликовите во метафорични, преносни симболи или суштества, и на тој начин да создадете ликовно дело, мозаик или колаж од илустрации(со разни уметнички техники и материјали).

Големиот број пристигнати дела (302) само ни потврди дека писателското перо умее да направи метаморфоза во уметничка четка, како и дека создава многустрани идеи кај уметничките души за да создаваат генијални мултимедијални дела.

Овој проект само ни е значаен параметар колку творењето на дела бара инспиративни моменти кои не бараат посебни услови, туку дека доволен е само поттик и мотивација.

Сите пристигнати дела ќе бидат изложени на изложбата која ја планираме во дворот на Меѓународниот Универзитет „Гаврило Романович Державин“, на 31 октомври 2021 во 20 часот и тоа ќе биде од хибриден тип. Тоа значи дека изложбата ќе се одржи и физички доколку условите тоа го дозволуваат (секако според предвидените аштитни мерки поврзани со падемијата). За оние кои не можат да присуствуваат на изложбата, таа ќе се одвива и виртуелно во 20 часот.

За оние кои ќе ја следат онлајн виртуелната изложба потребно е да се регистраат на следниов линк: https://us06web.zoom.us/meeting/register/tJYrf-urrjwjGdBGG1qUtJmrwcwsC5Rsncec. Максималниот број на учесници на изложбата е илјада.

Комисијата за избор на најдобрите дела според сите наведени параметри кои беа услов за да учествувате на конкурсот има тешка задача бидејќи многу од делата се навистина прекрасни и кореспондираат со оригиналност и уметничка импресија, како и поврзаност со делата кои оставиле очигледно големо влијание во вашата меморија.

Наградените учесници ќе бидат објавени во почетокот на месец ноември оваа година и тоа на нашата официјална страна, а наградите ќе им бидат доставени по поштенски пат. Со нетрпение ја очекуваме промоцијата на вашите уметнички дела и Ве покануваме да бидете дел од изложбата, без разлика дали ќе бидете дел од овој значаен настан со физичко присуство, или пак онлајн ќе можете да ја следите виртуелната изложба.

За сите кои учествувавте на овој конкурс следуваат благодарници и како и секогаш подготвуваме мало изненадување за сите вас и Ве очекуваме да бидете дел и од идните наши проекти на кој начин заеднички ќе ставаме белег на просторот, времето и културните пејсажи.

Со почит,
Директор на ИКУ при МСУ „Г. Р. Державин“
Проф. д-р Соња Р. Јовановска