Меѓународен Славјански Универзитет трета година по ред е дел од престижниот Forbes 30/50 Summit, кој се одржува во Абу Даби по повод Меѓународниот ден на жената. Оваа година, универзитетот го претставува Михаела Ѓорчева, дел од листата 30 Under 30 на Forbes и заменик претседател на Управниот одбор при МСУ.

Forbes 30/50 Summit е глобална платформа која обединува жени-лидери од различни индустрии, создавајќи простор за размена на идеи, визии и искуства. Во изминатите години, самитот беше домаќин на влијателни имиња како Хилари Клинтон, Џесика Алба и Глорија Стајнем, а и оваа година ќе понуди инспиративни дискусии и можности за нови партнерства.

За Меѓународен Славјански Универзитет учеството на овој самит претставува значаен чекор во насока на поврзување со водечки компании, едукативни институции и глобални иноватори. Преку вмрежување и размена на искуства, универзитетот продолжува да гради нови иницијативи во образованието, бизнисот и културата. Горди сме што сме дел од еден од највлијателните настани посветени на женското лидерство.