Резултати од конкурсот

Почитувани средношколци,

Кога го започнавме овој проект во 2017 година очекувањата не беа ни големи, ни мали, од проста причина што се уште не беше позната реакцијата на младите на ваков тип конкурс.  Како иновативен модел на конкурс, немавме очекувања ниту за бројноста на есеи кои би пристигнале, а ниту пак за начинот и нивото на кое средношколците се изразуваат.

Од 2017 година, кога првпат се одржа конкурсот, досега имаме објавено три изданија од публикацијата „Средношколски размислувања“ со 611 есеи напишани од 483 средношколци. Годинава нашата цел беше да направиме место во нашата збирка есеи за најмалку 300 средношколци, но пристигнатите есеи ги надминаа нашите очекувања. Ние имавме зададено шест теми, а средношколците можеше да пишуваат и на слободна тема. Годинава пристигнаа вкупно 555 есеи:

• За темата „Животот во година број 3000“ пристигнаа 28 есеи.
• За темата „На градот му е потребна промена!“ пристигнаа 19 есеи.
• За темата „Цензура. Да или не?“ пристигнаа 8 есеи.
• За темата „Ни треба чудо или наука за да ја спасиме планетата?“ пристигнаа 48 есеи.
• За темата „Мојата визија“ пристигнаа 33 есеи.
• За темата „Дали луѓето се навистина добри?“ пристигнаа 116 есеи.
• На слободна тема пристигнаа 303 есеи.

Целта на овој конкурс беше да создадеме платформа каде средношколците ќе можат да ги споделат своите ставови без страв и притисоци. Воедно, сакаме да слушнеме што тие имаат да кажат за средината во која живееме, за нивната визија за иднината и за нивните стремежи да го направат светот поубаво место за живеење. Есејот е форма која им овозможува на младите на слободен начин да ги искажат нивните ставови и размислувања на одредена тема која им е соодветна и блиска.

Нашиот универзитет е застапен на социјалните мрежи и можеме да кажеме дека таму можат да се видат многу оригинални идеи. Тикток, Фејсбук и Инстаграм изобилуваат со неверојатни идеи кој имаат потенцијал да се имплементираат во многу сектори. Во моментов средношколците, освен социјалните мрежи, немаат многу медиуми преку дополнително кои би се изразиле. Тоа е нешто што сакаме да го промениме и преку организација на конкурсот да ги мотивираме младите да ги споделуваат своите идеи и да се изразуваат и надвор од социјалните мрежи.

Ваквиот конкурс ја враќа самодовербата кај младите дека нивниот труд ќе биде валоризиран и промовиран. На младите кои почнуваат да чекорат во нивните непознати академски води најпотребна им е мотивацијата и насоката за тоа во што да се реализираат во понатамошниот живот. Есеите можеби се само еден сегмент од нивната насоченост, но се доволен мотиватор да продолжат да ги следат нивните соништа.

Сакаме да потенцираме дека конкурсот ќе донесе позитивна атмосфера не само помеѓу учениците, туку и помеѓу нивните ментори кои им помагаат и им даваат упатства како подобро да се подготват за учеството. Менторот, кој во најчест случај е долгогодишен професор на тој кандидат и го познава неговиот талент или дарба, може најдобро да го насочи својот студент да ја следи својата насока и својот животен пат.

Најважните резултати од овој конкурс се позитивните искуства на секој учесник. Конкурсот беше отворен во време кога сите средношколци беа дома поради ситуацијата со корона вирусот, овозможувајќи им да продолжат да работат на своите вештини од нивните домови. Некои од средношколците можеби го пронајдоа својот талент во пишувањето па тоа ќе им стане професија, некои од нив можеби само уште повеќе ќе се мотивираат да изберат една од струките поврзани со темата за која што се изразувале во есејот, а некои можеби само ќе го пробијат мразот и стравот кој го чувствувале во врска со пишувањето. Придобивките се многубројни, но едно можеме да констатираме, а тоа е дека конкурсот дава надеж за младите генерации кои повторно се враќаат кон пишаниот збор со цел изразување на нивните мисли и идеи.

м-р Михаела Ѓорчева 
уредник, автор на проектот

Наградени есеи

• Прво место: Јована Неделковска, СМУГС Д-р „Панче Караѓозов” – Скопје -„Неизбежност запишана во нечиј заборавен дневник“ –
  Златна плакета, лаптоп, комплет од 5 книги
• Второ место: Дамјан Златановски, ОСТУ„Наце Буѓони“ – Куманово – „На градот му е потребна промена!“
  Сребрена плакета, таблет, комплет од 5 книги
• Трето место: годинава тројца учесници го делат третото место. За сите тројца учесници ќе биде обезбедена посебна бронзена плакета и комплет од 10 книги.
  а) Едон Рамадани, СОУ„Исмет Јашари“ Липково – Udhëtimet afrojnë njerëzit mes vete („Патувањата ги зближуваат луѓето“)
  б) Ангела Илиева,  СУГС Гимназија „Орце Николов”, Скопје – Do we need science or a miracle to save our planet? („Ни треба наука или чудо за да ја спасиме планетата?“)
  в) Ана Трпевска, СЕПУГС „Васил Антевски-Дрен“ – Скопје – Животот во година број 3000
  бронзена плакета, комплет од 10 книги

Менторите на сите учесници во конкурсот ќе добијат сертификати. Дополнително, учесниците во табелата подолу добиваат:

• печатен примерок од изданието „Средношколски размислувања 4“
• МСУ подароци
• сертификат за учество на конкурсот.

Комисија:

м-р Михаела Ѓорчева, уредник, автор на проектот, претседател на комисија
д-р Соња Ризоска Јовановска, заменик претседател на комисија
м-р Кирил Трајчев, заменик претседател на комисија
виш лектор м-р Јасмина Пресилска, член на комисија
д-р Катерина Видова, член на комисија
м-р Сања Данева, член на комисија
Сара Велковска, преведувач по албански јазик,
Ивана Спасева, менаџер на издавачка дејност – Меѓународен центар за славјанска просвета, член на комисија
Маја Маријана Панајотова, член на комисија
Ангела Динева, член на комисија

Доделување на награди

Годинава промоцијата на онлајн изданието „Средношколски размислувања 4“ ќе се одржи онлајн. Промоцијата ќе се одржи на 24 мај во 12:00 часот.

Наградите ќе им бидат доставени на сите наградени учесници.

Сите учесници ќе бидат контактирани на електронската адреса која ја имаат оставено за да добијат линк за онлајн промоцијата и насоки за врачување на наградите.

Издавачката куќа на Меѓународниот Славјански Универзитет „Гаврило Романович Державин“, Меѓународен Центар за Славјанска Просвета – Свети Николе распишува

КОНКУРС

за најдобри средношколски есеи на следниве теми:

• Животот во година број 3000.
• На градот му е потребна промена!
• Цензура. Да или не?
• Ни треба чудо или наука за да ја спасиме планетата?
• Мојата визија
• Дали луѓето се навистина добри?
• Слободна тема

Проектот е финансиран од Министерството за култура како проект од национален интерес за 2020 година. 

Бараме оригинални есеи. Искрени, сатирични, духовити, храбри, креативни, интелигентни, емоционални, визионерски… Баш такви есеи какви што сакате да напишете! Есеи што навистина можат да ги отсликаат средношколските размислувања.

Насловите на темите се дадени само како насоки за авторот. Може да давате аргументи за и против, може да се согласувате и да не се согласувате со дадените теми. Во оформување на идејата (и колку апстрактна таа ќе биде) можете да имате целосна слобода. Важно е да се чувствувате слободни и сигурни во тоа што го пишувате.

1. Кој може да се пријави?

На конкурсот можат да учествуваат сите средношколци од Република Северна Македонија со неограничен број на есеи.

2. Кои услови треба да ги исполнува есејот?

Есејот треба да биде напишан на македонски, албански, англиски јазик или кој било јазик на малцинствата во Република Северна Македонија и да ги исполнува следниве услови:

• да биде напишан на една од дадените теми
• да биде подготвен како MS Office Word документ (.doc или .docx) – А4 формат
• да не надминува 700 зборови
• фонт Times New Roman (со македонска/кирилична поддршка за есеите на македонски јазик);
• маргини: лево, десно, горе и долу по 20 mm
• да не биде навредлив кон ниту една етничка заедница, ниту смее да содржи говор на омраза базирано на раса, религија или пол

3. Освен есејот, дали е потребно да се достават дополнителни информации?

Потребно е на првата страница, пред почетокот на есејот, да бидат истакнати следниве податоци:

• име и презиме на авторот
• датум на раѓање на авторот
• име на училиштето и место
• ментор
• адреса и место на живеење на авторот
• телефонски број на авторот
• адреса за електронска пошта на авторот

4. До кога најдоцна треба да се испратат материјалите?

Конкурсот ќе трае од 15 март до 10 мај 2020 година.

5. Каде се испраќаат материјалите?

Есеите можете да ги прикачите во електронската пријава која е дадена подолу на оваа страница.  

6. Награди

Предвидени се специјални награди за

• Прво место: Златна плакета, лаптоп, комплет од 5 книги.
• Второ место: Сребрена плакета,  таблет, комплет од 5 книги.
• Трето место: Бронзена плакета, комплет од 10 книги.

За сите останати учесници ќе бидат подготвени подароци и сертификати за учество на конкурсот.

7. Критериуми

Важно е есејот да ги задоволува техничките барања кои се наведени во конкурсот. Ова ќе биде првата фаза на елиминација.

Сите есеи што ќе ја поминат првата фаза ќе бидат оценувани од страна на комисијата според следниве критериуми:

• оригиналност, иновативност
• стил и начин на изразување
• добро организиран есеј со соодветна содржина и структура
• разбирање на темата за која се пишува
• јасна цел, добро аргументирање и конкретни примери
• граматика и интерпункција

Организаторот ги задржува правата да го направи изборот на есеи кои ќе бидат објавени во збирката. Организаторот може да не објави.

8. Објавување на резултатите

Резултатите ќе бидат објавени на оваа страница на 18 мај 2020, најдоцна до 12:00 часот.

9. Доделување на наградите

Наградите ќе бидат доделени на посебна свеченост која ќе се одржи на Меѓународен Славјански Универзитет „Г. Р. Державин“ во Св. Николе на 24-ти мај во 12:00 часот. Сите ученици кои имаат испратено есеј ќе добијат покана за доделувањето на наградите.

Истовремено ќе се одржи и промоција на публикацијата насловена „Средношколски размислувања“, каде ќе бидат објавени сите успешни есеи од конкурсот.

Имате прашања?

За дополнителни прашања обратете ни се на следнава електронска адреса: esei@msu.edu.mk

*Конкурсот е поддржан од Министерство за култура на Република Северна Македонија.

АПЛИКАЦИЈАТА ЗА КОНКУРСОТ Е ЗАТВОРЕНА НА 10 МАЈ.