Историски успех на тројца студенти на Меѓународен Славјански Универзитет на Светското првенство во куглање до 23 години во Австрија! Стефанија Алексовска и Дарко Јовановски, студенти на Факултетот за технички науки и информатика при Меѓународен Славјански Универзитет, освоија сребрен медал во дисциплината ТАНДЕМ МИКС, постигнувајќи исклучителен резултат за македонското куглање.

Со сребрен медал од шампионатот се закити и Андреа Вељаноска, студентка на Факултетот за психологија при Меѓународен Славјански Универзитет која заедно со Стефанија беа исклучителни во дисциплината ТАНДЕМ ЖЕНИ. Особена гордост претставува фактот што сите тројца медалисти се студенти на Меѓународен Славјански Универзитет, а нивниот успех претставува историско достигнување за македонското куглање и македонскиот спорт.
Нашите студенти успешно ги спојуваат студиите и врвните спортски достигнувања, достојно претставувајќи ги Македонија и МСУ на светската сцена. Честитки за Стефанија, Дарко и Андреа! Горди сме на вашиот успех и ви посакуваме уште многу спортски и академски победи во иднина.