Меѓународниот Славјански Универзитет на својот кампус во Битола го одржа свечениот прв академски час за академската 2026/2027 година. Со топло добредојде и свечено врачување на индексите, новите студенти го започнаа своето академско патување.

На настанот присуствуваа проф. д-р Мимоза Анастасовска Јанкуловска, продекан на Факултетот за технички науки и информатика; проф. д-р Јулијана Силјаноска продекан на Факултетот за економија и организација на претприемништво; проф. д-р Јагода Митревска од Факултетот за правни науки, председател на Сенат на МСУ; и проф. д-р Горица Поповска Налеска од Факултетот за психологија,проректор за настава и наука на МСУ.

Првиот академски час беше можност студентите да се запознаат со претставниците на факултетите и да го направат првиот чекор кон своите академски и професионални цели. Свеченото врачување на индексите го означи нивното приклучување кон универзитетската заедница на МСУ.

МСУ има потпишано и меморандум за соработка со Кариера.мк, со што дополнително ги развива можностите за поврзување на студентите со професионалниот свет.

На нашите нови студенти во Битола им посакуваме успешна академска година, исполнета со знаење, пријателства и нови можности. Добредојдовте на МСУ!