Две студентки од Меѓународниот Славјански Универзитет учествуваат во комбинираната интензивна програма (BIP) на тема „Public Administration and the National Cultural Heritage“ („Јавната администрација и националното културно наследство“), организирана од Универзитетот „1 Декември 1918“ во Алба Јулија, Романија, во рамки на програмата Еразмус+.

Програмата им овозможува на студентките да ги продлабочат своите знаења за јавната администрација и нејзината улога во зачувувањето и промовирањето на националното културно наследство. Учеството во меѓународна академска средина е можност за размена на идеи и искуства, запознавање со различни пристапи и воспоставување нови академски контакти и пријателства.

Преку ваквите мобилности, МСУ го поддржува академскиот и личниот развој на своите студенти, овозможувајќи им да стекнат искуства што го збогатуваат нивното образование и ги прошируваат нивните перспективи.