Меѓународен Славјански Универзитет им нуди можност на своите студенти да учествуваат на Blended Intensive Programme (BIP) на тема „Public Administration and the National Cultural Heritage“, организирана од Универзитетот „1 Декември 1918“ во Алба Јулија, Романија.

Избраните студенти ќе добијат финансиска поддршка во согласност со правилата на програмата Erasmus+, со која ќе можат да покријат дел од трошоците поврзани со мобилноста. Во текот на физичкиот дел од програмата, универзитетот домаќин ќе обезбеди бесплатни академски, културни и социјални активности.

Основни информации:

• Физичка мобилност: 28.09.2026 – 02.10.2026
• Виртуелна мобилност (онлајн-сесии): 08.10.2026 и 13.10.2026
• Локација: Универзитет „1 Декември 1918“ во Алба Јулија, Романија

Колку учесници се потребни?

Потребни се вкупно 4 студенти.

До кога е пријавувањето?

Можете да се пријавите најдоцна до 14 cептември 2026 година. По пријавувањето ќе бидете контактирани од нашите служби за повеќе детали.

Критериуми

• Да сте редовен студент на Меѓународен Славјански Универзитет и да имате запишано барем трет семестар (стекнати барем 31 ЕКТС)
• Просек од 7,0 или повисок (во случај на непотполнети места се прифаќа и просек од 6,5)
• Валиден пасош
• Солидно познавање на англиски јазик

Изборот, рангирањето и бодувањето на кандидатите се врши согласно Правилникот за учество во проекти и мобилност на студенти и академски и административен кадар во земјата и во странство.

Аплицирање

За пријавување, Ве молиме пополнете ја следнава апликација и ќе бидете контактирани од страна на нашиот тим. Селекцијата на кандидатите ќе биде во согласност на правилата на Erasmus+ програмата.

За дополнителни прашања Ве молиме обратете се на erasmus@msu.edu.mk или на +389 70 308 557.

Напомена: Предност имаат студентите кои не се учествувале во Еразмус+ активности.

Документи

Кандидатите кои аплицираат потребно е да достават:

• Уверение за положени испити од МСУ (делумно)
• Потврда за редовен студент од МСУ

Дополнителни документи кои може да бидат побарани од студентите се:

• Биографија
• Мотивациско писмо
• Препорака од професор
• Копии од стекнати сертификати, награди, пофалници
• Доказ за познавање странски јазик