На 1 октомври 2025 година, во просториите на Меѓународен Славјански Универзитет во Свети Николе, се одржа свечениот прв академски час за новата генерација студенти. Паралелно со свеченоста во Битола, и кампусот во Свети Николе денес беше преполн со бруцоши.

Првиот академски час започна со обраќање од проректорот проф. д-р Васко Стамевски, кој во своето обраќање ги охрабри бруцошите да бидат упорни, посветени и да го искористат максимумот од можностите што ги нуди универзитетот.

Потоа свои обраќања имаа продеканката на Факултетот за психологија, проф. д-р Ана Чучкова, деканката на Факултетот за економија и организациони науки, проф. д-р Габриела Крстевска, продеканот на Факултетот за технички науки и информатика, проф. д-р Слободан Бундалевски, и деканот на Факултетот за правни науки, проф. д-р Иван Ефремовски. Тие им посакаа на студентите успешен почеток на новата академска година.

На овој значаен ден, бруцошите го добија својот прв универзитетски документ, индексот, како симбол на почетокот на новата академска патека.

Меѓународен Славјански Универзитет во Свети Николе со гордост ја започнува новата академска година, испраќајќи порака на охрабрување и поддршка до сите студенти во нивната иднина полна со знаење и успеси.