Во рамките на редовните академски активности, проф. д-р Ана Чучкова ги вклучи Еразмус+ студентите од Универзитетот во Малта во работилница од областа на психологијата. Студентите моментално се на мобилност на Меѓународен Славјански Универзитет. Тие студираат на Факултетот за психологија, а нивното учество придонесе за збогатување на работилницата преку споделување на различни искуства, културни перспективи и професионални знаења.

Настанот се одржа во пријатна и интерактивна атмосфера, отворајќи простор за продуктивна дискусија на актуелни теми од областа на психологијата.

Ова предавање претставува уште еден доказ за заложбата на МСУ да овозможи квалитетно, современо и интернационално образование за своите студенти, како и за успешно спроведување на програмите за мобилност преку Еразмус+.