На Глобалниот образовен самит, организиран од Чандигар Универзитетот во Индија, Меѓународен Славјански Универзитет доби значајно признание. Нобеловецот проф. Герард ’т Хофт, еден од најистакнатите теоретски физичари на денешницата, лично ги врачи Плакетата за почесен гостин и Сертификатот за благодарност на нашите претставници, Михаела Ѓорчева и Иван Спасев.

Овој настан претставува еден од најважните моменти во историјата на Меѓународен Славјански Универзитет, и ние сме горди што нашиот труд и посветеност беа признати на меѓународно ниво.

Проф. Герард ’т Хофт е добитник на Нобелова награда за физика и има исклучителен придонес во развојот на современата наука. Неговото присуство и учество на самитот, како и личното врачување на наградите, ја потврдуваат значајноста на оваа церемонија и ја одразуваат неговата посветеност кон унапредување на образованието и научното истражување на глобално ниво.

Глобалниот образовен самит кој се одржа во Чандигар Универзитетот беше платформа за дијалог и размена на знаења меѓу академски лидери, професори и истражувачи од целиот свет. Нашиот универзитет имаше уникатна можност да се претстави на оваа сцена, разменувајќи искуства и најдобри практики од областа на високото образование.

Искрено сме благодарни на Чандигар Универзитетот за оваа можност да се вмрежиме со влијателни академски лидери од целиот свет. Меѓународен Славјански Универзитет останува посветен на својата мисија за унапредување на образованието и науката, со надеж дека ова признание ќе биде само почеток на многу нови можности за раст и развој.