Михаела Ѓорчева, член на управен одбор при Меѓународен Славјански Универзитет и докторанд при Универзитетот во Љубљана одржа две гостински предавања пред повеќе од 200 студенти на Универзитетот Утаранчал, наш партнер од сојузната држава Утараканд во Индија.

Првото предавање беше на тема „Практична примена на вештачка интелигенција во анализа на академски трудови и материјали“. На ова предавање студентите преку практични примери учеа како вештачката интелигенција може да се користи за подобрување на процесот на истражување, прибирање и обработка на материјали. Исто така, програмата вклучуваше и практична подготовка и тренирање на модели на ChatGPT.

Второто предавање се фокусираше на „Очекувањата на потрошувачите и реакциите на брендовите во ситуации на кризи на социјалните мрежи“. Се дискутираше за комуникацијата на социјалните мрежи помеѓу брендовите и корисниците на социјални мрежи особено за време на кризни ситуации за брендовите.

Двете предавања завршија со интерактивни сесии за прашања и одговори, каде студентите и професорите активно дискутираа за темите.