Летните месеци се идеална прилика за студентска пракса, па така во тек на месец јули повеќе студенти од Меѓународен Славјански Универзитет одлучија да ги користат можностите за пракса кои ги нуди Еразмус+ програмата. Со нашите партнерски организации од Ќустендил, Бугарија им овозможивме на нашите студенти да поминат неколку неделна пракса во повеќе институции во Ќустендил.

Сите студенти имаат различна програма за практична настава, а целта на практичната работа е студентите да бидат едуцирани за работа поврзана со областите кои ги изучуваат на Факултетот за економија и организација на претприемништво, Факултетот за психологија, Факултетот за технички науки и информатика и Факултетот за правни науки.

Во рамки на нивниот престој тие ја посетија општинската зграда и остварија средба и со градоначалникот на Општина Ќустендил, Огњан Атанасов.

Ги охрабруваме сите студенти кои се заинтересирани за слични меѓународни искуства да ги искористат можностите кои ги нуди програмата Еразмус+. Меѓународен Славјански Универзитет продолжува да создава можности за своите студенти, поттикнувајќи го нивниот личен и професионален развој преку учество во слични програми.