М-р Михаела Ѓорчева и Иван Спасев, членови на Управниот Одбор на Меѓународен Славјански Универзитет на 5 октомври 2023 година остварија средба со Џеф Кабили, предавач на еден од водечките светски универзитети, Stanford University. Stanford University е второрангиран универзитет во светот, согласно Шангајската листа.

Средбата се одржа на главниот кампус на Stanford University во Калифорнија, САД, каде Џеф Кабили е поранешен директор на оддел на Graduate School of Business, Executive Education – од 2005 до 2015 година. Во моментов тој е предавач на Stanford Continuing Studies на тема „Ефективна невербална комуникација“ и истовремено прави обуки на претприемачи, директори, инженери, едукатори и студенти.

Целта на средбата беше да се утврдат детали за работилница која би требало да се одржи на Меѓународен Славјански Универзитет во 2024 година на која ќе бидат опфатени најдобрите практики и вештини за презентирање што се користат во презентациите во Силициумската долина (кај нас позната и како Силиконска Долина).