
Повик до студентите за учество во Еразмус+ БИП програма
20 ноември 2026Институтот за инженерска економија и Факултетот за технички науки и информатика при Меѓународен Славјански Универзитет организираат научно-стручна конференција на тема „Современи инженерски и економски пристапи кон одржлив развој, управување со отпад и безбедност при работа“, која ќе се одржи на 23 декември 2026 година во Mayberry Lake Hotel, Претор.
Конференцијата има за цел да обедини претставници на академската и научноистражувачката заедница, стручни лица, практичари и претставници на компании, создавајќи простор за размена на научни сознанија, професионални искуства и современи практики во областа на инженерството, економијата, одржливиот развој, управувањето со отпад и безбедноста при работа.
Посебно внимание ќе биде посветено на поврзувањето на научноистражувачките достигнувања со практичните предизвици и потреби на компаниите и индустријата. Преку презентација на научни и стручни трудови и размена на искуства, конференцијата ќе овозможи дискусија за современите пристапи, иновативните решенија и можностите за унапредување на одржливоста, ефикасноста и безбедноста во различни сектори.
Со цел да се овозможи пошироко учество на академската, научната и деловната заедница, предвидени се три начини на учество.
Рок за доставување научни и стручни трудови и апстракти за презентација: 16 декември 2026 година.
1. Учество со презентација на научен или стручен труд или апстракт (бесплатно)
Учесниците имаат можност да ги претстават своите научни истражувања, стручни трудови, практични искуства и проектни резултати преку презентација на конференцијата. За овој начин на учество може да се достави целосен труд или апстракт, без обврска трудот да биде објавен во научно списание.
Учеството и презентацијата се целосно бесплатни. Трошоците за сместување се на товар на самите учесници.
Оваа можност е наменета за сите кои сакаат да ги споделат своите истражувања, идеи и професионални искуства, да добијат повратни информации од колегите и да учествуваат во научната и стручната дискусија.
2. Учество со презентација и објавување научен труд во списание
Авторите кои сакаат, покрај презентацијата на конференцијата, да го објават својот научен труд, можат да го достават за разгледување и рецензија во меѓународното научно списание „International Dialogue: East–West“.
Презентацијата и учеството на конференцијата се бесплатни, додека за објавувањето на прифатените трудови се применуваат условите и надоместоците утврдени за научното списание. Надоместоците за објавување изнесуваат:
- Труд со еден автор – 40 евра
- Труд со двајца автори – 60 евра
- Труд со три или повеќе автори – 80 евра
Трудовите задолжително се пишуваат на англиски јазик. Презентацијата може да биде и на македонски јазик.
Надоместокот се однесува на објавување на еден прифатен труд, независно од бројот на автори кои ќе присуствуваат на конференцијата.
Сите доставени трудови подлежат на уредничка проценка и рецензентска постапка. Плаќањето се врши по прифаќањето на трудот за објавување, а пријавувањето не подразбира автоматско прифаќање. Детални информации за научното списание, техничките услови и постапката за објавување се достапни на следниот линк.
Објавувањето на трудовите е бесплатно за вработените на Меѓународен Славјански Универзитет и неговите единици.
Трошоците за сместување се на товар на самите учесници.
3. Учество како слушател (бесплатно)
Сите заинтересирани лица можат да присуствуваат на конференцијата и без доставување научен или стручен труд.
Овој начин на учество овозможува следење на презентациите, учество во дискусиите, размена на искуства и воспоставување професионални контакти со претставници од академската заедница, индустријата и деловниот сектор.
Присуството на конференцијата како слушател е целосно бесплатно. Трошоците за сместување се на товар на самите учесници.
Пријавување за учество
За сите три начини на учество е предвидена единствена апликација за пријавување, во која заинтересираните лица го избираат соодветниот начин на учество.
За дополнителни информации Ве молиме обратете се на
- martin.savevski@msu.edu.mk
- cvetanka.mitrevska@msu.edu.mk
- или на телефон: +389 76 440 362




