По повод 3 декември – Меѓународниот ден на лицата со попреченост, студентите од втора година на Факултетот за психологија при Меѓународен Славјански Универзитет изработија едукативен постер и флеш картички како мал придонес кон инклузивното образование.

Флеш картичките претставуваат практична и ефективна алатка во поучувањето на ученици со попреченост – го поттикнуваат визуелното учење, ја подобруваат концентрацијата, ја развиваат меморијата и овозможуваат учење во мали, јасни и прилагодени чекори.

Со гордост ги дониравме овие материјали во:

• ОУ со ресурсен центар „Кочо Рацин“ – Битола
• ОУ со ресурсниот центар „Маца Овчарова“ – Велес
• Центар за поддршка во учењето при ОУ „Св.Кирил и Методиј”, Св.Николе
• ООУ „Никола Карев”,Кочани

Голема благодарност до сите наставници и стручни служби за нивната посветеност и секојдневна борба за подеднакви можности за сите ученици.