Студентите на МСУ во посета на Парламентарниот институт
23 јуни 2025
Меѓународен Славјански Универзитет и Здружението за целосен развој и еманципација на турците од источниот дел на СРМ – ЕМ со нова соработка
4 јули 2025Во време кога границата помеѓу физичката и дигиталната безбедност секојдневно се брише, Меѓународен Славјански Универзитет во Свети Николе ги отвора вратите на еден единствен регионален проект – Форензичкиот и Кибернетичкиот Центар, кој ќе го обедини знаењето, практиката и современата технологија во служба на општеството.
Овој центар, кој се отвора под меѓународна лиценца на американскиот универзитет PIUSAD – Passion International University од Денвер, Колорадо, е предвиден како простор каде што ќе се едуцираат идни дигитални форензичари, експерти за сајбер-безбедност, судски вештаци и ИТ професионалци. Центарот ќе нуди едукации, практични вежби, симулации на напади, како и поддршка на правосудните и безбедносните институции во решавање на вистински дигитални инциденти.
Особено значење на проектот му дава присуството на проф. д-р Хаџиб Салкиќ, регионален лидер во областа на дигиталната форензика, кој е еден од клучните промотори на центарот. Неговата визија е јасна – едукативен простор каде што теоријата се среќава со реалните случаи, и каде се развиваат конкретни вештини за соочување со дигиталните закани.
