Студиска програма Финансии и банкарство
Четиригодишни студии
Име на студиската програма: Финансии и банкарство
Факултет: Факултет за економија и организација на претприемништво
Тип на студии: додипломски (прв циклус)
Локација: во Свети Николе или Битола
Студентски статус: редовен или вонреден
Времетраење на студиите: 4 години (осум семестри)
Вкупно предмети: 40
Вкупно ЕКТС: 240
Стручен назив: дипломиран економист (насока: Финансии и банкарство)
Годишна школарина: 1230 евра
Финансиите играат значајна улога во стабилноста на светската економија, што значи дека тие се директно или индиректно поврзани со сите нас. Финансии и банкарство е студиска програма за сите оние кои сакаат да се вработат во областа на финансиите (сметководители, банкари). Студиите се со времетраење од четири години, односно осум семестри.
Преку студиската програма ќе се запознаете со суштината и практичното значење на основните принципи на финансиите, ќе научите да ги познавате карактеристиките и видовите на различни финансиски инструменти (обврзници, акции, штедни влогови, заеми, финансиски деривати, итн.), ќе ги научите принципите на вреднување на финансиските инструменти, односно основните фактори од кои зависи одлуката на инвеститорот во кои од финансиските инструменти ќе ги вложи своите пари.
Вклучени се и предмети од областа на сметководството, каде ќе бидете запознаени со основните техники на книжење на средствата, со сметководственото евидентирање на приходите и расходите…
Додипломски студии
Финансии и банкарство е студиска програма која ќе ви помогне да ги развиете своите аналитички вештини, како и вештините за донесување заклучоци. Постојат бројни претходно подготвени теории кои можат да ви помогнат да одлучите кое финансиско решение е најдобро, но овде ќе научите дека секоја ситуација е различна. Претходно подготвените теории ќе ви помогнат да ги согледате работите, но не значи дека секогаш ќе можат да се имплементираат такви какви што се.
Токму затоа, овде ќе научите да го развиете вашето „чувство“ за справување со работите кои не може да се предвидат, кое вам, како идни економисти, ќе ви бидат најдобар сојузник.
Во рамките на четиригодишните студии се опфатени 40 предмети кои студентите треба да ги положат. Во секој семестар има задолжителни и изборни предмети. Од можните два изборни предмети, студентите избираат само еден. Од можни три предмети, се избираат два предмети. Од можни четири предмети, студентите избираат само два.
По дипломирањето ќе се стекнете со стручен назив дипломиран економист (насока Финансии и банкарство).
Програма четиригодишни студии
1 семестар
-
Микроекономија
6 ЕКТС
-
Математика за бизнис
6 ЕКТС
-
Основи на менаџмент
6 ЕКТС
-
Принципи на сметководство
6 ЕКТС
-
Англиски јазик 1
6 ЕКТС
2 семестар
-
Макроекономија
6 ЕКТС
-
Статистика
6 ЕКТС
-
Англиски јазик 2
6 ЕКТС
-
Трговско право
6 ЕКТС
-
Деловна етика
6 ЕКТС
-
Вовед во бизнис
6 ЕКТС
-
Руски јазик
6 ЕКТС
-
Информациски технологии во бизнисот
6 ЕКТС
3 семестар
-
Принципи на маркетинг
6 ЕКТС
-
Претприемништво
6 ЕКТС
-
Монетарна економија
6 ЕКТС
-
Јавни финансии
6 ЕКТС
-
Финансиско сметководство
6 ЕКТС
4 семестар
-
Финансиски менаџмент
6 ЕКТС
-
Организациско однесување
6 ЕКТС
-
Маркетинг политика на цени
6 ЕКТС
-
Осигурување
6 ЕКТС
-
Психологија на бизнис
6 ЕКТС
-
Деловно комуницирање
6 ЕКТС
-
Применета економија
6 ЕКТС
-
Управување со производ
6 ЕКТС
5 семестар
-
Банкарски маркетинг
6 ЕКТС
-
Деловно планирање
6 ЕКТС
-
Банкарство
6 ЕКТС
-
Хартии од вредност и портфолио менаџмент
6 ЕКТС
-
Проектен менаџмент
6 ЕКТС
6 семестар
-
Корпоративни финансии
6 ЕКТС
-
Анализа на финансиски извештаи
6 ЕКТС
-
Управување со ризици
6 ЕКТС
-
Финансиски пазари и институции
6 ЕКТС
-
Стратегиски менаџмент
6 ЕКТС
-
Стратегиски маркетинг
6 ЕКТС
-
Оперативен менаџмент
6 ЕКТС
-
Економски теории
6 ЕКТС
7 семестар
-
Сметководство на деловен менаџмент
6 ЕКТС
-
Меѓународни финансии
6 ЕКТС
-
Девизен систем
6 ЕКТС
-
Е-бизнис
6 ЕКТС
-
Локални финансии
6 ЕКТС
8 семестар
-
Меѓународна трговија
6 ЕКТС
-
Инвестиции
6 ЕКТС
-
Ревизија
6 ЕКТС
-
Меѓународни економски односи
6 ЕКТС
-
Банкарски менаџмент
6 ЕКТС
-
Менаџмент на промени
6 ЕКТС
-
Економија на јавен сектор
6 ЕКТС
-
Дипломска работа
Услови за упис
Право на запишување на прв циклус на студии имаат кандидатите со завршено четиригодишно средно образование во државата или во странство со положена државна или меѓународна матура.
Право на запишување имаат и студенти од други акредитирани факултети, дипломирани лица и странски државјани (регулирано со закон).
Кандидатите се запишуваат без полагање на приемен испит.
Документи за упис
При пријавувањето за упис на прв циклус на студии кандидатите ги поднесуваат следните документи:
- Диплома за положена државна или меѓународна матура;
- Свидетелства од сите 4 години;
- Копија од извод од матична книга на родените;
- Копија од државјанство;
- 4 мали фотографии во боја;
Документите за пријавување се поднесуваат во просториите на Меѓународен Славјански Универзитет во Свети Николе на ул. „Маршал Тито“ бр. 77 и во Битола на ул. „Новачки пат“ бр 16.
Годишна школарина
Кандидатите може да направат упис како редовни или вонредни студенти со самофинансирање на студиите во износ од 1230 евра (за една учебна година) во денарска противвредност.
Нудиме можности за плаќање на рати, а при плаќање на целокупниот износ на почетокот на академската година, студентите добиваат попуст од 10%. За студирање на двајца студенти од исто семејство одобруваме дополнителен попуст од 20% за секој член, за тројца или повеќе студенти од исто семејство по 25% за секој член, како и 20% за бранители.
Сите информации за школарината можете да ги пронајдете овде, а информации за финансиска помош и достапните попусти можете да најдете овде.