Студиска програма Менаџмент и претприемништво
Четиригодишни студии
Име на студиската програма: Менаџмент и претприемништво
Факултет: Факултет за економија и организација на претприемништво
Тип на студии: додипломски (прв циклус)
Локација: во Свети Николе или Битола
Студентски статус: редовен или вонреден
Времетраење на студиите: 4 години (осум семестри)
Вкупно предмети: 40
Вкупно ЕКТС: 240
Стручен назив: дипломиран економист (насока: Менаџмент и претприемништво)
Годишна школарина: 1230 евра
Менаџмент и претприемништво е нова студиска програма на Факултетот за економија и организација на претприемништво, која доаѓа како наследник на студиската програма со најмногу запишани студенти – Менаџмент на организација. Студиите се со времетраење од четири години, односно осум семестри.
На студиската програма Менаџмент и претприемништво како студенти ќе бидете запознаени со основите на менаџментот, бизнис стратегиите, психологијата на бизнис, менаџментот со човечки ресурси, но ќе изучувате и предмети од економијата кои ќе ви бидат значајни за менаџирањето на компаниите или организациите каде ќе работите во иднина.
Додипломски студии
Предметите од оваа студиска програма ќе ви дадат јасна слика за менаџерските функции, улоги, одлуки и вештини. Детално ќе ги проучите сите менаџерски функции – планирање, организирање, раководење и контролирање. Ќе се посвети внимание на решавањето на проблеми и донесување одлуки, справување со организациски конфликти и управување во кризни ситуации. Преку вежби, како идни менаџери ќе бидете запознаени со повеќе начини на тимска работа и воспоставување и одржување на комуникацијата и соработка со експерти од разни области.
Во рамките на четиригодишните студии се опфатени 40 предмети кои студентите треба да ги положат. Во секој семестар има задолжителни и изборни предмети. Од можните два изборни предмети, студентите избираат само еден. Од можни три предмети, се избираат два предмети. Од можни четири предмети, студентите избираат само два.
Откако ќе дипломирате ќе се стекнете со стручен назив дипломиран економист и диплома што отвора широк спектар на можности за вработување и градење на успешна кариера.
Програма четиригодишни студии
1 семестар
-
Микроекономија
6 ЕКТС
-
Математика за бизнис
6 ЕКТС
-
Основи на менаџмент
6 ЕКТС
-
Англиски јазик 1
6 ЕКТС
-
Деловна етика
6 ЕКТС
-
Информациони системи
6 ЕКТС
2 семестар
-
Макроекономија
6 ЕКТС
-
Принципи на сметководство
6 ЕКТС
-
Статистика
6 ЕКТС
-
Англиски јазик 2
6 ЕКТС
-
Вовед во бизнис
6 ЕКТС
-
Деловно комуницирање
6 ЕКТС
3 семестар
-
Принципи на маркетинг
6 ЕКТС
-
Претприемништво
6 ЕКТС
-
Трговско право
6 ЕКТС
-
Руски јазик 1
6 ЕКТС
-
Менаџерска економија
6 ЕКТС
-
Монетарна економија
6 ЕКТС
4 семестар
-
Јавни финансии
6 ЕКТС
-
Организациско однесување
6 ЕКТС
-
Финансиско сметководство
6 ЕКТС
-
Маркетинг политика на цени
6 ЕКТС
-
Руски јазик 2
6 ЕКТС
-
Психологија на бизнис
6 ЕКТС
5 семестар
-
Менаџмент на човечки ресурси
6 ЕКТС
-
Проектен менаџмент
6 ЕКТС
-
Деловно планирање
6 ЕКТС
-
Оперативен менаџмент
6 ЕКТС
-
Портфолио менаџмент
6 ЕКТС
-
Осигурување
6 ЕКТС
6 семестар
-
Меѓународен менаџмент
6 ЕКТС
-
Стратегиски менаџмент
6 ЕКТС
-
Финансиски менаџмент
6 ЕКТС
-
Управување со ризици
6 ЕКТС
-
Анализа на финансиски извештаи
6 ЕКТС
-
Стратегиски маркетинг
6 ЕКТС
7 семестар
-
Маркетинг менаџмент
6 ЕКТС
-
Кризен менаџмент
6 ЕКТС
-
Сметководство на деловен менаџмент
6 ЕКТС
-
Е-бизнис
6 ЕКТС
-
Менаџмент на мал бизнис
6 ЕКТС
-
Логистика
6 ЕКТС
8 семестар
-
Инвестициски менаџмeнт
6 ЕКТС
-
Менаџмент на промени
6 ЕКТС
-
Меѓународни економски односи
6 ЕКТС
-
Меѓународна трговија
6 ЕКТС
-
Банкарски менаџмент
6 ЕКТС
-
Ревизија
6 ЕКТС
-
Дипломска работа
6 ЕКТС
Услови за упис
Право на запишување на прв циклус на студии имаат кандидатите со завршено четиригодишно средно образование во државата или во странство со положена државна или меѓународна матура.
Право на запишување имаат и студенти од други акредитирани факултети, дипломирани лица и странски државјани (регулирано со закон).
Кандидатите се запишуваат без полагање на приемен испит.
Документи за упис
При пријавувањето за упис на прв циклус на студии кандидатите ги поднесуваат следните документи:
- Диплома за положена државна или меѓународна матура;
- Свидетелства од сите 4 години;
- Копија од извод од матична книга на родените;
- Копија од државјанство;
- 4 мали фотографии во боја;
Документите за пријавување се поднесуваат во просториите на Меѓународен Славјански Универзитет во Свети Николе на ул. „Маршал Тито“ бр. 77 и во Битола на ул. „Новачки пат“ бр 16.
Годишна школарина
Кандидатите може да направат упис како редовни или вонредни студенти со самофинансирање на студиите во износ од 1230 евра (за една учебна година) во денарска противвредност.
Нудиме можности за плаќање на рати, а при плаќање на целокупниот износ на почетокот на академската година, студентите добиваат попуст од 10%. За студирање на двајца студенти од исто семејство одобруваме дополнителен попуст од 20% за секој член, за тројца или повеќе студенти од исто семејство по 25% за секој член, како и 20% за бранители.
Сите информации за школарината можете да ги пронајдете овде, а информации за финансиска помош и достапните попусти можете да најдете овде.