Во рамки на Еразмус+ програмата за мобилност на наставен кадар Меѓународен Славјански Универзитет е домаќин на проф. д-р Мустафа Сајгин од Факултетот за медицина при Универзитетот Сулејман Демирел, Република Турција. Посетата се реализира во периодот од 21 до 25 јули 2025 година.

Проф. Сајгин пред студентите на Меѓународен Славјански Универзитет одржа предавање на тема „Сон, хигиена на спиење и нарушувања во спиењето“, при што им објаснува на студентите и наставниот кадар како да го подобрат квалитетот на спиењето, што претставува РЕМ сон, како да се препознаат шаблоните на спиење и кои се најдобрите методи за подобар одмор. Во текот на предавањето, активно учество земаат и неговите колеги Харун Ајхан и Такир Дегирменџиоглу, кои му асистира со дополнителни објаснувања и визуелни презентации.

Во рамки на посетата, тие остварија средба со проф. д-р Јордан Ѓорчев, претседател на Управен одбор при Меѓународен Славјански Универзитет, како и со вработените од Канцеларијата за меѓународни односи. Средбата помина во пријатна атмосфера на размена на искуства и идеи за идни форми на соработка.

Меѓународен Славјански Универзитет продолжува активно да развива партнерства со универзитети од странство и да нуди интернационални искуства на своите студенти и кадар, преку гостувања на признати професори и практични предавања со висока академска вредност.