Почитувани студенти,

со оглед на моменталната состојба со корона вирусот и активните мерки и насоки дадени од Владата на Република Северна Македонија во поглед со справување со пандемијата од COVID-19 и по барање на поголем дел од студентите на МСУ, Ве известуваме дека јунската испитна сесија ќе се одржи во два испитни рока и тоа:

• прв испитен рок во периодот од 20 јуни 2020 година до 10 јули 2020 година, онлајн, преку електронските средства за комуникација, предложени од наша страна,
• втор јунски испитен рок во периодот до 17 август 2020 година до 30 август 2020 година на кој студентите ќе можат физички да присуствуваат на испитите во просториите на Универзитетот во Свети Николе и Битола, а ќе се однесува за студентите кои немаат можност и услови за полагање на испитите онлајн, потенцираме, доколку се создадат реални услови за нормално функционирање, односно се стабилизира настанатата состојба и се намалат мерките, рестрикциите и ограничувањата.

Пријавувањето на испитите ќе се врши онлајн според утврдена постапка и протокол кој како информативна соржина ќе ви биде достапен на нашите информативни електронски гласила.

Пријавување на испитите

Пријавувањето и полагањето на испитите во јунската сесија ќе се одвива електронски. Пријавувањето на испитите ќе трае до 10-ти до 18-ти јуни. Полагањата започнуваат од 20-ти јуни. Во оваа сесија е дозволено е полагање само на испити од парен и непарен семестар.

• Испити полагаат сите студенти кои ги исполнуваат условите.
• За да проверите дали ги исполнувате условите Ве молиме пополнете ја оваа форма. По пополнување на формата за еден до два работни денови ќе добиете одговор на Вашата електронска адреса дали ги исполнувате условите. Доколку ги исполнувате, ќе добиете упатство за пријавување на испитите електронски, и линк каде ќе можете да ја пополните вашата пријава.

Апликација за пријавување испит

Пријавувањето на испитите е завршено.

Услови за тестирање

• камерата и микрофонот да бидат вклучени за време на полагањето, во спротивно истото ќе биде поништено
• тестовите би се состоеле од неколку прашања кои би требало да се одговараат во форма на кратки есеи, со аргументирање на одговорите*
• пополнетиот тест да се испрати до професорот во рамки на договореното време
• квалитетот на вашите одговори ќе биде оценет според вашата способност да го примените знаењето за областа во која се тестирате
• за дополнителни прашања консултирајте се директно со менторите или професорите, а можете да се обратите и на info@msu.edu.mk

Како ќе се спроведе тестирањето? – објаснување чекор по чекор

• Испитот по определен предмет ќе се одржи во времето кое е објавено во распоредот. Распоредот ќе биде објавен до 18 јуни.
• Се вклучувате онлајн во договорениот термин на платформата Zoom. Линковите ќе ги добиете од службите за студентски прашања.
• Додека сте онлајн професорот го забележува присуството и ги напоменува условите за полагање.
• Професорот ќе ви соопшти дека преку опцијата Chat на платформата Zoom треба да ги доставите вашите е-маил адреси за да можеме да ви го испратиме тестот.
• Ги внесувате е-маил адресите на chat на Zoom.
• Администраторот ви го испраќа тестот на внесената е-маил адреса.
• Имате ограничено време за да го решите тестот (околу 60 минути / зависи од професорот) со вклучени камери и микрофони. Ако некој ја исклучува камерата или микрофонот, тестот за него завршува.
• Откако ќе истече времето имате обврска да го пратите тестот на меилот на професорот, пополнет. Толеранција за доцнење – 5 минути. Ако тестот се прати подоцна нема да се толерира, без разлика на причина. Во тие случаи може повторно да пополнува нов тест некој нареден пат по договор со професорот.
• Доколку тестот бара решавање на задачи или пишување на хартија, професорот може да се договори со студентите наместо во Word, студентите да ги решат задачите на хартија, а да испратат фотографии од решените задачи на професорот, во истиот рок како и другите студенти.
• Професорот (или администраторот во негово име) го потврдува приемот на тестот.
• Професорот може да го промени или прилагоди форматот на тестот.
• Професорот го оценува тестот и кога ќе има резултати ги соопштува на студентите на некое од наредните предавања, на меил, или на Е-учење.