Упис и заверка на семестар

Студентите се должни при почетокот на новата академска година да извршат упис на семестар.

Уписот на зимскиот (непарен) семестар започнува  од 1-ви септември и трае до 15-ти септември секоја година. При уписот на семестарот студентите треба со себе да го носат индексот и уплатниците од уплатената партиципација.

Заверката за зимскиот семестар се врши во јануари, повторно со индекс и со уплатница. Доколку студентот не го завери семестарот во предвидениот рок нема да може да пријавува и полага испити или ќе треба да плати казна.

Казната за ненавремено заверување на семестарот изнесува 500 денари и дополнителни 100 денари за положен испит.

Уписот и навремената заверка на семестарот се бесплатни, односно тие се вклучени во целокупниот износ на партиципацијата. Роковите ќе бидат објавени на Е-индекс и Академскиот календар.

Во февруари се врши упис и на летниот семестар, а во јуни се заверува истиот.