По 17-ти пат во Битола, од страна на Битолски весник беа доделени наградите за „Најуспешни битолчани“.

Награда беше доделена на нашиот Факултет за безбедносно инженерство, како најпопуларен факултет во регионот, а беше примена од Деканот, проф. д-р Александар Гроздановски.

На прогласувањето  на најуспешните битолчани, присуствуваа околу 1000 личности од јавниот и културниот живот не само од Битола, туку од целата држава, а беа прогласени најуспешните во повеќе области: спорт, култура, естрада, здравство, новинарство, стопанство, политика, невладин сектор итн., а воедно беа доделени и посебни признанија како и наградата за животно дело „Ајри Демировски“ која и беше доделена на Анета Мицевска од групата „Молика”. Коста Хаџи Антоновски доби награда за животно дело, а додека пак награда за трајни вредности доби Владимир Костов.

Награди примија луѓе на возраст од 11 до 80 години. На манифестацијата за забавата беа задолжени  група „Молика” и Анета Мицевска како и групите Ѓердан, Боеми и Хераклеја.