Наше големо задоволство е да ве поканиме да бидете дел од нашите „ДЕНОВИ НА ПСИХОЛОГИЈАТА”.

Доколку сте студенти на психологија, или едноставно ја сакате психологијата ова е вистинскиот настан за вас! Доколку сакате да научите повеќе за оваа наука, сакате да се дружите и да запознаете други истомисленици и психолози, тогаш не ја пропуштајте оваа прилика! „Деновите на психологијата“ се создадени за да можете да видите и научите повеќе за оваа наука, да видите и научите како изгледаат предавањата и практичните работилници на психолозите, а ова ќе биде и одлична прилика за да ги збогатите вашите домашни библиотеки.

Цената е така формирана за секој да може да ги посети работилниците:

1 ден = 500 денари
2 дена = 900 денари
Студенти на МСУ (2 дена) = 400 денари

Овој настан веќе 9 години традиционално се одржува во Скопје, а од оваа година официјален организатор е Меѓународниот Славјански Универзитет „Гаврило Романович Державин” во Св. Николе.  Досега се одржани 70 работилници со многу презентации и трудови. Имаат учествувано над 30 тренери од Македонија и соседните држави и со тоа овој настан веќе прераснува во еден меѓународен фестивал кој овозможува на многу млади психолози да почувствуваат и видат што точно значи психологијата и кои опции таа ги нуди за продолжување на нивната кариера.

На 6 и 7 Мај 2016 за вас ќе бидат поканети врвни психолози и психотерапевти подготвени да ви ја доближат работата на психолозите во сите институции. Ќе имате можност да се запознаете со многу техники кои се користат во психотерапијата и да ја збогатите Вашата библиотека со книги од оваа област.

Учесниците кои ќе ги посетат работилниците добиваат сертификат од тренерите.

ПРОГРАМА:

Преземете ја програмата во PDF.